Karfan þín

Um Fjallakofann

Fjallakofinn er útivistarvöruverslun með vörur í háum gæðaflokki. Fyrirtækið- og starfsfólk þess- hefur að geyma mikla reynslu á sviði útivistar og útiveru. Hvort sem verið er að tala um stuttar eða langar gönguferðir eða stærri leiðangra þá er Fjallakofinn staðurinn til að byrja á. Við eigum, eða útvegum, allt sem þarf af útbúnaði til góðrar útivistar frá mörgum þekktum og virtum framleiðendum.

Hvar er verslun Fjallakofans?  Ný og stækkuð verslun í Hallarmúla 2, 108 Reykjavík. 

Það er nóg af bílastæðum við húsnæðið og gengið beint inn af götunni. Við kveðjum Kringluna 7 og Laugaveg 11 með söknuði, en horfum jafnframt fram á veginn í þessu glæsilega 1700m2 húsnæði þar sem er nóg pláss og vörurnar fá að njóta sín enn betur!

Og fyrir alla sem ekki ertu staddir á höfuðborgarsvæðinu erum við með ansi netta vefverslun sem er opin 24/7 alla daga ársins. Við sendum allt frá okkur innan 24 tíma frítt á næsta pósthús eða póstbox ef pantað er fyrir 12.000 kr eða meira.

Sumsagt, pakkaðar dótabúðir, stærðarinnar vefverslun og fullt af starfsfólki sem veit allt mögulegt um allt sem snýr að útivist, skíðum, reiðhjólum og alls konar skemmtilegu. Hljómar það ekki bara frekar vel?

Sjáumst vonandi sem fyrst!

Fjallakofinn ehf.

Hallarmúla 2, 108 Reykjavík

Kennitala: 500311-1420
VSK-númer: 107538

Sími 510 9505

Stoðtæki ehf – Heildverslun

Skrifstofa, Hallarmúla 2
108 Reykjavík
Sími 510 9515

Vöruhús, Dugguvogi 2
104 Reykjavík
Sími 510 9504

Á efri hæðinni er að finna framúrskarandi úrval af hágæða útivistar og hversdagsfatnaði fyrir öll tilefni. Við kappkostum við að bjóða breitt og öflugt úrval sem hentar jafnt fyrir þau sem eru að leita eftir skjólflíkum í kvöldgöngunni sem og fyrir þau sem hafa útivist að lífsviðurværi við kröfuharðar aðstæður.

Á neðri hæðinni er að finna eitt fjölbreyttasta úrval landsins af útivistar- og gönguskóm, ásamt alhliða útivistarbúnaði; bakpokar, tjöld, svefnpokar, stafir, axir, járnavara og allt hitt sem þarf fyrir fjallamennskuna, jafnt fyrir leikmenn sem og fagmenn. 

Hluti neðri hæðarinnar er árstíðarskipt, yfir sumarið breikkum víð úrvalið af viðlegubúnaði, auk þess sem hjóladeildin kemur sterkari inn. Þar verður að finna breitt úrval af hágæða fjallahjólum og öllu því tengist. Yfir vetrartímann þá breytist neðri hæðin í sannkallaða skíða paradís, þar sem verður að finna allt sem tengist skíðum og útivist til fjalla. 

Á neðri hæðinni er líka að finna verkstæðið okkar þar sem við sinnum hjólaviðgerðum og preppun á skíðum fyrir góðan skíðavetur.